Missioune vum Nationale Gesondheetsobservatoire

Missioune vum Observatoire:

• Evaluéieren:
  • wéi de Gesondheetszoustand vun der Bevëlkerung mat Bezuch op Morbiditéit a Mortalitéit ass 
  • wéi d'Risikoverhale vun der Bevëlkerung ass a gläichzäiteg d'Vermëttlung vu Wëssen zu de Gesondheetsdeterminanten verbesseren
  • wéi d'Qualitéit, Effikassitéit an Accessibilitéit vum Gesondheetssystem ass an Ongläichheeten um Niveau vun der Gesondheet vun de verschiddene Bevëlkerungsgruppen identifizéieren

• Ënnersichen wéi d'Entwécklung an d'Upassung vun de Ressourcen u Fachpersonal am Beräich vum Gesondheetssystem ass fir déi gesondheetlech Besoine vun der Bevëlkerung z'erfëllen

• Verëffentlechen an diffuséieren:
  • vun Informatiounen zum Gesondheetszoustand vun der Bevëlkerung a vum Gesondheetssystem unhand vun den Analyse vum Observatoire
  • vun de Resultater vun den Etüden am Beräich vun de Ressourcen u Fachpersonal

• dem Minister Prioritéiten am Beräich vun der ëffentlecher Gesondheet virschloen, fir den allgemenge Gesondheetszoustand vun der Bevëlkerung, vum Gesondheetssystem a vun de Ressourcen u Fachpersonal ze verbesseren

• d'Gesondheetskaart aféieren, wéi am Artikel 3 vum Gesetz vum 8. Mäerz 2018 zu de Spideeler an hirer Organisatioun definéiert
  

Den Observatoire erstellt eemol am Joer ee Joresrapport a mindestens een themateschen Analyserapport mat Erkenntnisser a Propositiounen zu engem oder méi Beräicher, déi als prioritär festgehal goufen.

All dräi Joer erstellt den Observatoire een nationale Rapport mat sengen Erkenntnisser a Propositiounen an de Beräicher vum Gesondheetszoustand vun der Bevëlkerung, de Gesondheetsdeterminanten an dem Gesondheetssystem. Dëse Rapport beinhalt:

• eng Beschreiwung, Analys an Evaluatioun vum Gesondheetszoustand vun der Bevëlkerung, de Gesondheetsdeterminanten an dem Gesondheetssystem
• eng Beschreiwung, Analys an Evaluatioun vun der ëffentlecher Gesondheetspolitik